Alavesen aurkako partidukoa ikusi, pairatu eta sufritu ostean, Realak bere patuari aurre egin beharko dio beste behin: urtebete gehiago bigarren mailako infernuan edo futbol txapelketako lehen mailako paradisuan? Galtzailea jaio edo landu egiten da? Masokismoa gustuko dute? Zer gertatu zen joan den igandean? Post hau idazterakoan kontuak ez daude batere garbi, itxaropena ez da galdu behar...eta baliteke gauzak ondo joatea ere! Mirariak gertatu ohi dira, edo hori diote bederen. Superstiziosoak bagina, Reala kalean katu beltzekin gurutzatu ohi dela, eskilarapetik igarotzea ohitura duela eta etxe barruan aterkia zabaldu ostean ispiluak apurtzen saiatzen dela esango genuke. Analisi guzti hauen komikiratzea datorren ekainaren 21ean, larunbata, Berria egunkariaren baitako Mantangorri haur eta gaztetxoen gehigarrian aurkituko duzue.
